"Cəmilə" (Çingiz Aytmatov)

Hadisələr İkinci Dünya müharibəsi illərində bir qırğız kəndində baş verir. Hekayəni yeniyetmə Seyit danışır. O, əri cəbhədə olan gəlini Cəmilə ilə müharibədən yaralı qayıtmış susqun Daniyarın sevgisinin şahidi olur.

Daniyarın gecə çöldə oxuduğu mahnı Cəmilənin ürəyini oyadır. Onlar adət-ənənəyə qarşı çıxaraq birlikdə kənddən gedirlər. Bu sevgi Seyitə rəssam olmaq ilhamı verir.

Povest Aytmatova dünya şöhrəti gətirib. Onu fransızcaya Lui Araqon tərcümə edib. Əsər onlarla dilə çevrilib, səhnələşdirilib və ekranlaşdırılıb.