Dərvəzə qaz krateri — "Qaraqumun işığı"

Krater Aşqabatdan təxminən 260 kilometr şimalda, Qaraqumun ortasındakı Dərvəzə kəndi yaxınlığındadır. Diametri 60–70, dərinliyi təxminən 30 metrdir.

1971-ci ildə qazma işləri zamanı yerin altındakı qaz boşluğunun tavanı çökdü. Bəzi mənbələrə görə zəhərli qazın yayılmasının qarşısını almaq üçün mühəndislər onu yandırdılar. O vaxtdan krater yanır.

Gecə yüzlərlə alov dili kraterin dibini və kənarlarını işıqlandırır. Bu mənzərəni görmək üçün səyyahlar səhrada çadırlarda gecələyirlər. Rəsmi adı "Qaraqumun işığı"dır.