Gəncə təndir çörəyi

Təndir gildən hörülən sobadır; ustalar onun iki növünü düzəldir — yerə qazılan və yerüstü təndir. Xəmir kündələnib yayılır və təndirin qızmış divarına yapışdırılır; çörək bir neçə dəqiqəyə qızarıb bişir.

Gəncə bölgəsində təndir çörəyi gündəlik süfrənin əsasıdır. Qədimdən Gəncədə bişirilən səngək çörəyi də bəzən "Gəncə çörəyi" adlandırılır.

Təndir çörəyi uzun müddət saxlanılır və bir neçə gün yeyilir. Ənənəyə görə isti çörək ilk olaraq uşaqlara və qonaqlara verilir — bunun evə bərəkət gətirdiyinə inanılır. Təndir sənəti ailədə, baxıb öyrənməklə nəsildən-nəslə keçir.

"Azərbaycanda təndir sənəti və çörək bişirmə" 2024-cü ildə UNESCO-nun Bəşəriyyətin qeyri-maddi mədəni irsinin reprezentativ siyahısına daxil edilib.