AMusiqi əsəriMüstəqil dövlətlər
İstiqlal marşı
Türkiyənin dövlət himni. Sözləri Mehmet Akif Ersoyundur, 12 mart 1921-ci ildə Böyük Millət Məclisi tərəfindən qəbul edilib.
1921-ci ildə, Qurtuluş savaşının ən ağır günlərində Maarif Nazirliyi milli marş üçün müsabiqə elan etdi. Yüzlərlə şeir göndərildi. Mehmet Akif Ersoy pul mükafatına görə müsabiqəyə qatılmaq istəmədi; onu dostları razı saldı, mükafatı isə o, xeyriyyəyə bağışladı.
Böyük Millət Məclisi şeiri 12 mart 1921-ci ildə qəbul etdi. Marş "Korkma, sönmez bu şafaklarda yüzen al sancak" misrası ilə başlayır; on bənddən ibarətdir, rəsmi mərasimlərdə ilk iki bənd oxunur.
Musiqisi üçün də müsabiqə keçirildi. 1924-cü ildə Əli Rifat Çağatayın bəstəsi qəbul olundu, 1930-cu ildən isə bu gün səslənən Osman Zeki Üngörün bəstəsi işlədilir. 12 mart Türkiyədə "İstiqlal marşının qəbulu və Mehmet Akif Ersoyu anma günü"dür.
Mənbələr
Yenilənib: 2 oktyabr 2026