"Gün var əsrə bərabər" (Çingiz Aytmatov)

Roman qazax çölündəki kiçik dəmiryol stansiyasında yaşayan Burannı Yedigeyin bir gününü anlatır. O, dostunu ata-babalarının qəbiristanlığında dəfn etmək üçün çölü keçir. Yaxınlıqda isə kosmodrom yerləşir.

Romandakı qədim əfsanəyə görə əsir götürülən gənclərin başına yaş dəvə dərisi keçirilir və onlar yaddaşlarını itirib qula — manqurta çevrilirlər. Manqurt öz anasını da tanımır.

Əsər 1980-ci ildə "Novıy mir" jurnalında çıxıb. "Manqurt" sözü kökünü, dilini və tarixini unudan insanın rəmzinə çevrilib və bütün türk dünyasında işlənir.