İstanbul hava limanı

İstanbul hava limanı şəhərin Avropa hissəsində, Qara dəniz sahili yaxınlığındakı Arnavutköy ərazisində tikilib. 29 oktyabr 2018-ci ildə açıldı, 6 aprel 2019-cu ildə köhnə Atatürk hava limanının bütün sərnişin reysləri buraya köçürüldü.

Hava limanı ildə on milyonlarla sərnişinə xidmət edir və Avropanın ən işlək hava limanlarındandır. Onun əlverişli coğrafi mövqeyi — Avropa, Asiya və Afrikanın qovşağında olması onu dünyanın əsas tranzit mərkəzlərindən birinə çevirib.

Layihə tam həcmdə bitəndə hava limanının ildə 200 milyon sərnişinə xidmət etməsi nəzərdə tutulur.