Kosova döyüşü (1389)

XIV əsrin ikinci yarısında Osmanlılar Rumeliyə keçib Balkanlarda sürətlə irəliləyirdilər. Serb knyazı Lazar, Bosniya və başqa Balkan bəyləri ilə ittifaq qurdu. 15 iyun 1389-cu ildə Sultan I Murad oğulları Bəyazid və Yaqubla birlikdə Kosova düzündə bu ittifaqın ordusu ilə qarşılaşdı.

Döyüş ağır keçdi və hər iki tərəf böyük itki verdi. Rəvayətə görə, döyüşdən sonra bir serb zadəganı sultanın yanına gəlib onu xəncərlə yaraladı və I Murad şəhid oldu. Knyaz Lazar da döyüşdə həlak oldu. Osmanlı taxtına elə döyüş meydanında Yıldırım Bəyazid çıxdı.

Kosovadan sonra Serbiya Osmanlıların vassalı oldu və Osmanlılar Balkanlarda möhkəmləndilər. Döyüş serb xalqının yaddaşında da mühüm yer tutur. I Muradın daxili orqanlarının dəfn olunduğu türbə, "Məşhədi Hüdavəndigar", bu gün də Priştina yaxınlığında durur.