AŞəxsiyyətMüstəqil dövlətlər
Kürə
Peçeneq xanı (X əsr): 972-ci ildə Dnepr astanalarında Kiyev knyazı Svyatoslavın ordusunu məğlub edən hökmdar.

Kürə Qara dəniz çöllərində yaşayan peçeneq boylarının ən güclü başçısı idi. Rus salnaməsi "Keçmiş illərin hekayəsi" peçeneq knyazlarından yalnız onun adını çəkir. Peçeneqlər o dövrdə Bizansla müttəfiq idilər və Dneprdən keçən ticarət yolunun ən təhlükəli hissəsinə, astanalara nəzarət edirdilər.
Kiyev knyazı Svyatoslav Balkanlarda Bizansa uduzub geri qayıdanda Kürə onu Dnepr astanalarında, Xortitsa yaxınlığında gözlədi. 972-ci ilin yazında baş verən döyüşdə Svyatoslav öldürüldü. Salnaməyə görə, Kürə onun kəllə sümüyündən qızıla tutulmuş qədəh düzəltdirdi; bu, çöl xalqlarında güclü düşmənə hörmət əlaməti sayılırdı. 988-ci ilə qədər peçeneqlərin başında artıq başqa xan, Metiqa dururdu.
Mənbələr
Yenilənib: 16 noyabr 2026

















