Lahıc

Lahıc Böyük Qafqazın cənub yamacında, Girdiman çayının vadisində yerləşir. Çay daşı ilə döşənmiş küçələri, qədim su və kanalizasiya sistemi, daş evləri ilə qəsəbə açıq səma altında muzeyə bənzəyir.

Lahıc əsrlər boyu misgərlərin şəhəri olub. Burada əl ilə döyülüb naxışlanan mis qablar — sənəklər, məcməyilər, qazanlar Qafqazın hər yerinə aparılırdı. Bu sənət ustadan şagirdə, atadan oğula keçir.

"Lahıcda misgərlik sənəti" 2015-ci ildə UNESCO-nun Bəşəriyyətin qeyri-maddi mədəni irsinin reprezentativ siyahısına daxil edilib. Qəsəbə həm də xalçaçılıq və dəmirçilik ənənələri ilə tanınır.