Mehdi Hüseynzadə

Mehdi Hüseynzadə 1918-ci ildə Bakının Novxanı kəndində doğulub. Müharibədə yaralanıb əsir düşüb, düşərgədən qaçaraq Yuqoslaviya və İtaliya partizanlarına qoşulub.

"Mixaylo" ləqəbi ilə Triyest və ətrafında cəsarətli təxribat əməliyyatları keçirdi: kinoteatr, əsgər evi, körpü və dəmiryol obyektlərini partlatdı. Almaniya komandanlığı onun başı üçün böyük mükafat təyin etmişdi.

1944-cü ilin noyabrında mühasirədə qəhrəmancasına həlak oldu. 1957-ci ildə ölümündən sonra Sovet İttifaqı Qəhrəmanı adı verilib; həyatı "Uzaq sahillərdə" filmində canlandırılıb.