Azərbaycanın faydalı qazıntıları

Kiçik Qafqaz dağları faydalı qazıntılarla zəngindir. Daşkəsən dəmir filizi yatağı Cənubi Qafqazın ən böyüyüdür. Gədəbəydə qızıl, mis və gümüş hasil olunur; Zəylikdə alüminium xammalı olan alunit yatağı var. İşğaldan azad edilmiş ərazilərdə — Kəlbəcər, Zəngilan və digər rayonlarda da qızıl və başqa metal yataqları yenidən öyrənilir.

Naftalanda dünyada bənzəri olmayan müalicəvi neft çıxır — onunla vanna müalicəsi aparılır. Badamlı, İstisu, Sirab kimi mineral suları ölkədə və xaricdə tanınır.