Miriokefalon döyüşü (1176)

Malazgirddən təxminən yüz il sonra Bizans imperatoru I Manuel Komnin Anadolunu geri almaq üçün böyük yürüşə çıxdı. Hədəfi Səlcuqluların paytaxtı Konya idi. 1176-cı ilin sentyabrında Bizans ordusu Miriokefalon qalası yaxınlığındakı dar dağ keçidinə girdi.

Sultan II Qılınc Arslan keçidin hər iki tərəfində qüvvələrini gizlətmişdi. Uzun karvana bənzəyən Bizans ordusu keçiddə hərəkət edərkən Səlcuqlular hücuma keçdilər. Ordunun xeyli hissəsi və mühasirə maşınları məhv oldu, imperator sülh istəməyə məcbur oldu.

İmperator Manuel özü bu məğlubiyyəti Malazgirdlə müqayisə edib. Miriokefalondan sonra Bizans Anadolunun içərisini geri almaq ümidindən əl çəkdi. Avropa qaynaqlarında bu dövrdən Anadolu üçün "Turchia", yəni "Türk ölkəsi" adı işlənməyə başladı.