Lefkoşa

Lefkoşa adanın ən böyük şəhəri olan Nikosiyanın şimal hissəsidir. KKTC-nin siyasi, iqtisadi və mədəni mərkəzidir. Şəhərin ortasından BMT-nin bufer zonası keçir. Cənub hissəsi isə Kipr Respublikasının paytaxtıdır.

Köhnə şəhər dairəvi Venesiya divarları ilə əhatələnib, mərkəzində Sarayönü meydanı yerləşir. Burada Selimiye məscidi, Osmanlı karvansarası Büyük Han, Arasta bazarı və dar küçələr var. Dereboyu isə müasir iş və əyləncə mərkəzidir.

Lefkoşa həm də universitet şəhəridir. Burada dörd universitet fəaliyyət göstərir, ən böyüyü Yaxın Şərq Universitetidir. Şəhərdə beynəlxalq teatr və musiqi festivalları keçirilir.