Qahirə, Məmlük sultanlarının paytaxtı

Məmlüklər Qara dəniz çöllərindən gətirilmiş qıpçaq türkləri idi. 1250-ci ildə onlar Misirdə hakimiyyəti ələ aldılar, 1260-cı ildə Eyn Calutda monqolları dayandırdılar. Qahirə Bəhri (qıpçaq) və sonra Burci (əsasən çərkəz) məmlüklərinin dövründə İslam dünyasının ən böyük şəhərlərindən birinə çevrildi.

Qahirənin tarixi mərkəzindəki ən gözəl abidələrin çoxu məmlük dövründəndir: Qalavun kompleksi (1285), Sultan Həsən məscid-mədrəsəsi (1356-1363), Barquq və Qayıtbay türbələri. Məmlük sarayında qıpçaq türkcəsi danışılırdı, bu dildə lüğətlər və kitablar yazılırdı. 1517-ci ildə Osmanlı Sultanı I Səlim Misiri aldı.