Qanun

Qanun trapesiya formalı taxta qutunun üzərinə çəkilmiş çoxsaylı simlərdən ibarətdir. Hər not adətən üç simlə səslənir. İfaçı aləti dizinin üstünə qoyur və şəhadət barmaqlarına taxdığı mizrablarla çalır.

Alətin kənarındakı kiçik metal dilçiklərlə ifaçı çalarkən səsi bir qədər qaldırıb-endirə bilir — bu, Şərq musiqisinin incə intervallarını ifa etməyə imkan verir.

Qanun orta əsrlərdən Azərbaycanda məlumdur; XX əsrdə xalq çalğı alətləri orkestrlərinə və muğam ansambllarına daxil edilib.