Qaval

Qaval enli taxta çənbərə dəri çəkilməklə hazırlanan dəfdir. Ənənəvi olaraq üzü nərə balığının dərisindən olur; çənbərin içinə səs verən metal halqalar bərkidilir.

Muğam üçlüyündə qavalı xanəndə özü çalır və oxuyarkən ritmi saxlayır. Bəzən xanəndə qavalı üzünə tutaraq səsini də gücləndirir.

Qaval həm də rəqs və el mahnılarında, toylarda geniş istifadə olunur. Bacarıqlı qavalçı onun üzündən, kənarından və halqalarından fərqli səslər çıxara bilir.