Dunay Bulqar dövləti (681-1018)

Kubratın oğlu Asparux bulqarların bir hissəsini Dunay ağzına apardı. 680-681-ci illərdə Bizans ordusunu məğlub etdi və imperiya Dunayın cənubunda bulqar dövlətini tanımağa məcbur oldu. Paytaxt Pliska idi, hökmdarlar "xan" və "kanasubigi" titullarını daşıyırdılar.

Tervel xan 717-718-ci illərdə ərəblərin Konstantinopol mühasirəsində Bizansa kömək etdi. Krum xan (803-814) dövləti xeyli genişləndirdi. 864-cü ildə Boris xristianlığı qəbul etdi, sonra slavyan yazısı yayıldı və dövlətin dili tədricən slavyan dilinə keçdi.

Mənşə barədə qeyd: dövləti türk bulqarlar qurmuşdu, amma əhalinin çoxu slavyan idi və bulqarlar zamanla onların içində əridilər. Bugünkü Bolqarıstan adını bu türk boylarından alıb. 1018-ci ildə Bizans imperatoru II Vasili dövlətə son qoydu.