13-cü TDT Zirvəsinə bir həftə qalmış: Ərdoğan Baş katib Ömüralıyevlə Ankarada görüşdü

Türk Dövlətləri Təşkilatının 13-cü Zirvə Görüşünə hazırlıq yekun mərhələyə daxil olub. Türkiyə Prezidenti Rəcəb Tayyib Ərdoğan oktyabrın 22-də Ankarada, Prezident Kompleksində TDT-nin Baş katibi, səfir Kubanıçbek Ömüralıyevi qəbul edib.

Zirvə oktyabrın 30-da “Türk Əsri: Dildə, Fikirdə, İşdə Birlik” şüarı ilə keçiriləcək. Şüar təşkilatın son illərdə önə çıxardığı üç istiqaməti — ortaq dil və əlifba, ortaq dünyagörüşü və birgə layihələri bir araya gətirir.

Zirvə həftəsi mədəniyyət proqramı ilə də zəngin olacaq: oktyabrın 28-də Ankarada TDT-nin Cümhuriyyət Bayramı konserti, 29-da isə dövlət başçılarının şərəfinə Beştəpədə xüsusi konsert planlaşdırılıb.