Atatürk vəfatının 88-ci ildönümündə anıldı: Anıtkabirdə dövlət mərasimi, TÜRKSOY və Quzey Kiprdən xatirə mesajları

Türkiyə Cümhuriyyətinin qurucusu Mustafa Kamal Atatürkün vəfatının 88-ci ildönümü 10 noyabrda Türkiyədə və Quzey Kiprdə anıldı. Ankarada dövlət rəhbərləri Anıtkabirdə Atatürkün məzarını ziyarət etdi. Lefkoşada isə Atatürk abidəsi önündə mərasim keçirildi.

TÜRKSOY Baş katibi Sultan Raev xatirə mesajında Atatürkü təkcə Türkiyənin yox, bütün türk dünyasının liderlərindən biri adlandırdı. Raev yazdı ki, Atatürkün türk dilinə, tarixinə və ortaq mədəni irsə verdiyi əhəmiyyət, eləcə də qardaş xalqların gələcəkdə bir araya gələcəyi barədə fikri bu gün TÜRKSOYun apardığı mədəni inteqrasiya işinin mənəvi əsaslarından biridir.

Quzey Kipr Türk Cümhuriyyətinin dövlət qurumları da bu gün mesaj yaydı. Kıbrıs Türk Tarih Kurumu və Din İşləri Başkanlığı Atatürkü anan açıqlamalarla çıxış etdi.