Əliyev və Ərdoğan Xankəndidə Zəfər abidəsinin önünə əklil qoydu

Prezident İlham Əliyev və Türkiyə Prezidenti Rəcəb Tayyib Ərdoğan noyabrın 8-də Xankəndidə Zəfər abidəsini ziyarət edərək önünə əklillər qoydular. Fəxri qarovul əsgərləri iki ölkənin bayraq rəngli lentləri olan əklilləri abidənin önünə gətirdi.

Abidə Xankəndidəki Zəfər tağı kompleksinin bir hissəsidir. Prezident Əliyev həmin gün səhər də buraya gəlmiş və xalqa müraciətini bu tağın önündə etmişdi.