Pekində Əmir Teymur irsi müzakirə olundu: Özbəkistan tarixçisi Teymurilər dövrü mənbələrindən danışdı

Oktyabrın 24-də Pekindəki Çin Minzu Universitetində Özbəkistan Elmlər Akademiyasının Tarix İnstitutunun direktoru Azamat Ziyo mühazirə oxuyub. Mövzu «Mərkəzi Asiyada Teymurilər sülaləsi tarixinin öyrənilməsinin aktual məsələləri və meylləri: Özbəkistanın elmi ənənələri və mənbələri» adlanıb.

Mühazirədə Əmir Teymurun Özbəkistan tarixində, milli dövlətçiliyin formalaşmasında və dünya tarixindəki rolu, onun tarixi irsi barədə danışılıb. Eləcə də Teymurilər dövrünün tarixi mənbələri, onların elmi dəyəri və bu sahədəki tədqiqatların bugünkü vəziyyəti müzakirə edilib.

Tədbirdə Pekin ali məktəblərinin müəllim və tələbələri, elmi mərkəzlərin nümayəndələri iştirak edib.