Azərbaycan cüdoçuları Əbu-Dabi Böyük Dəbilqəsini 2 qızıl, 1 gümüş və 2 bürünc medalla başa vurub

Azərbaycan cüdo millisi oktyabrın 31-də başa çatan Əbu-Dabi Böyük Dəbilqə turnirini beş medalla, komanda hesabında birinci yerdə bitirib. Medalların ikisi qızıl, biri gümüş, ikisi bürünc olub.

Balabəy Ağayev 60 kq-da, Könül Əliyeva isə 48 kq-da birinci yeri tutub. Rəşad Yelkiyev (66 kq) və Hidayət Heydərov (73 kq) bürünc medal qazanıb. Turnirin son günündə 100 kq-dan yuxarı çəkidə çıxış edən Uşanqi Kokauri finala qədər üç rəqibi məğlub edib, final görüşündə gürcüstanlı İrakli Demetraşviliyə uduzaraq gümüşlə kifayətlənib.

78 kq-dan yuxarı çəkidə Mədinə Kaisinova bürünc medal görüşündə italiyalı Erika Simonettiyə məğlub olub və beşinci yeri tutub.