Prezident Mirziyoyev Səmərqənd səfərinə İmam Buxari məqbərəsindən başladı: ziyarət turizminin inkişafı gündəmdə

Özbəkistan Prezidenti Şavkat Mirziyoyev oktyabrın 18-də Səmərqənd vilayətinə səfərə başladı. Dövlət başçısı ənənəyə uyğun olaraq səfərə İmam Buxari Memorial Kompleksini ziyarət etməklə start verdi.

Quran ayələri oxundu, dualar edildi. Prezidentə kompleksdən daha səmərəli istifadə, onun turizm potensialının artırılması, həmçinin İmam Buxarinin elmi irsi vasitəsilə islami maarifçiliyin və ziyarət turizminin təşviqi ilə bağlı verilmiş tapşırıqların icrası barədə məlumat verildi.

Mirziyoyev böyük alimin zəngin elm və bilik irsi qoyub getdiyini bildirdi və dünyanın hər yerindən insanların Özbəkistana gəlməsi üçün bütün imkanların yaradılacağını vurğuladı.