Daşkənddə Türkiyə Cümhuriyyətinin 103-cü ildönümünə həsr olunmuş Mustafa Ceceli konserti keçirildi

Türkiyə Cümhuriyyətinin 103-cü ildönümü münasibətilə oktyabrın 31-də Daşkənddə Özbəkistan Dövlət Konservatoriyasında bayram konserti verilib. Türk pop müğənnisi Mustafa Ceceli öz mahnılarından ibarət proqramla çıxış edib. Xəbəri UzA yayıb.

Tədbirdə Türkiyənin Özbəkistandakı səfiri Ufuk Ulutaş, Özbəkistan mədəniyyət nazirinin müavini Sancar Bobocanov və Özbəkistandakı türk icmasının nümayəndələri iştirak edib. UzA yazır ki, konsert iki ölkə arasında mədəni əlaqələrin genişlənməsinə xidmət edib.

Konsert Türk Dövlətləri Təşkilatının Ankara zirvəsindən bir gün sonra baş tutub. Zirvədə Özbəkistan Prezidenti Şavkat Mirziyoyev Prezident Ərdoğanla görüşmüşdü.