Ərdoğan COP31 liderlər zirvəsini açdı: Azərbaycana və Braziliyaya təşəkkür, 2053-cü il üçün sıfır emissiya hədəfi

Rəcəb Tayyib Ərdoğan noyabrın 11-də Antalya EXPO ərazisində COP31 liderlər zirvəsinin açılışında çıxış etdi. Türkiyə COP liderlər zirvəsinə ilk dəfə ev sahibliyi edir. Ərdoğan konfransa dəstəyə görə BMT Baş katibi Antoniu Quterreşə, COP31 üçün qurulan ortaqlıq modelinə görə Avstraliyanın Baş naziri Entoni Albanizə, əvvəlki COP sədrliklərinin təcrübəsini bölüşdüklərinə görə isə Azərbaycana və Braziliyaya təşəkkür etdi.

Ərdoğan dedi ki, konfransın zalları Türkiyə tarixinin böyük şəxsiyyətlərinin, mədəni irsin və təbiət abidələrinin adını daşıyır. Türkiyə enerjidən sənayeyə, nəqliyyatdan kənd təsərrüfatına qədər bütün sahələri karbonsuzlaşdırmaq yolundadır və 2053-cü ildə sıfır emissiya hədəfinə doğru gedir. “Yarın qiyamət qopacağını bilsəniz belə, əlinizdəki son fidanı torpağa əkin” sözünü xatırladan Ərdoğan iqlim dəyişikliyindən heç bir ölkənin kənarda qalmadığını vurğuladı. “Dünya ortaq evimizdir” qısa film müsabiqəsinin mükafatları noyabrın 14-də veriləcək.