Krım tatarı Xayrullayev qardaşları Kiyevdə K-1 üzrə Ukrayna Kubokunda iki qızıl medal qazandı

Krım tatarı qardaşlar Məhəmməd və Süfyan Xayrullayev Kiyevdə keçirilən K-1 üzrə Ukrayna Kubokunda öz yaş və çəki kateqoriyalarında birinci yeri tutublar. Xəbəri oktyabrın 31-də QHA agentliyi yayıb.

Turniri Ukrayna K-1 Federasiyası ilə Milli Qvardiya təşkil edib. Üç gün davam edən yarış eyni zamanda Ukrayna yığma komandaları üçün seçmə mərhələ olub.

12-13 yaş qrupunda 71 kq-da Məhəmməd, 14-15 yaş qrupunda 76 kq-da Süfyan qalib gəlib.