Naxçıvandan Ankaraya 17 il: dörd ölkənin qurduğu Şura necə Türk Dövlətləri Təşkilatına çevrildi

Türk Dövlətləri Təşkilatı oktyabrın 30-da Ankarada keçiriləcək 13-cü Zirvə ərəfəsində ortaq yolunu xatırladan qısa video paylaşıb: «Naxçıvandan bu günə: birlik, həmrəylik və əməkdaşlıq yolumuz». Zirvənin şüarı «Türk əsri: dildə, fikirdə, işdə birlik»dir.

Hər şey 3 oktyabr 2009-cu ildə Naxçıvanda başlayıb. Azərbaycan, Qazaxıstan, Qırğızıstan və Türkiyə həmin gün Naxçıvan Sazişini imzalayaraq Türkdilli Dövlətlərin Əməkdaşlıq Şurasını — Türk Keneşini qurdu. Saziş imzalanan gün indi Türk Dövlətlərinin Əməkdaşlıq Günü kimi qeyd olunur, liderlərin ilk zirvəsi isə 2011-ci ildə Almatıda keçirilib.

Ailə illər ərzində böyüdü. 2018-ci ildə Macarıstan müşahidəçi oldu, 2019-cu ildə Özbəkistan tamhüquqlu üzv kimi qoşuldu. 2021-ci ildə İstanbul zirvəsində Keneş Türk Dövlətləri Təşkilatı adını aldı, Türkmənistan müşahidəçi statusu qazandı və «Türk Dünyası 2040 Baxışı» qəbul edildi. 2022-ci ildə Səmərqənddə Quzey Kipr Türk Cümhuriyyəti də müşahidəçilər sırasına qatıldı. Bu gün Təşkilatda beş üzv və üç müşahidəçi var.

Ankara zirvəsində Türkiyə sədrliyi Azərbaycandan təhvil alacaq. Təşkilat paylaşımını belə bitirir: hər zirvə qardaşlıq və əməkdaşlıq bağlarını möhkəmləndirib, türk dünyasını daha güclü və daha bütöv gələcəyə bir addım yaxınlaşdırıb. «Biz birlikdə daha güclüyük».