Nijni Novqorod vilayətinin Sergaç şəhərində Qabdulla Tukay abidəsi açıldı

Nijni Novqorod vilayətinin Sergaç şəhərində tatar xalq şairi Qabdulla Tukayın abidəsi açılıb. Mərasimdə Tatarıstanın Baş nazir müavini, Dünya Tatar Konqresi Milli Şurasının sədri Vasil Şaixrazıyev, vilayət hökumətinin sədr müavini Yekaterina Solnseva, Sergaç rayonunun rəhbəri Oleq Radayev və vilayət Tatar Milli-Mədəni Muxtariyyətinin icraçı direktoru Timur Şərəfutdinov iştirak edib.

Tədbirdə Dünya Tatar Konqresinin nümayəndələri, mədəniyyət və din xadimləri, abidənin yaradılmasına dəstək verən sponsorlar da olub. Konqresin açıqlamasına görə, Tukay tatar xalqının milli ənənələrinin, ana dilinin və mədəni irsinin qorunmasının rəmzinə çevrilib.