Prezident Erhürman Antalyada COP31 liderlər zirvəsinə qatıldı, İlham Əliyevlə də qısa söhbət etdi

Quzey Kipr Türk Cumhuriyyətinin Prezidenti Tufan Erhürman noyabrın 11-də Antalyada keçirilən BMT-nin iqlim konfransının (COP31) Liderlər Zirvəsinin açılışında iştirak edib. O, Türkiyə Prezidenti Rəcəb Tayyib Ərdoğanın dəvəti ilə həyat yoldaşı Nilden Bektaş Erhürmanla birlikdə noyabrın 10-da axşam Antalyaya gəlmiş, rəsmi qarşılanmışdı.

BRT-nin məlumatına görə, Erhürman zirvə çərçivəsində BMT Baş katibi Antonio Quterreşlə, Azərbaycan Prezidenti İlham Əliyevlə, Türkiyənin Vitse-prezidenti Cevdet Yılmazla, İslam Əməkdaşlığı Təşkilatının Baş katibi ilə və Türkiyənin Xarici işlər naziri Hakan Fidanla qısa görüşlər keçirib.

Ərdoğan və Quterreş zirvənin açılışında liderləri qarşılayıb, ümumi və ailə şəkilləri çəkilib. Erhürmanın noyabrın 12-də Şimali Kiprə qayıtması gözlənilir. Eyni gün Baş nazir Ünal Üstel də Antalyada olub və Vitse-prezident Yılmazla görüşərək Türkiyə ilə həmrəylik içində işləməyə davam edəcəklərini bildirib.