Qurbanqulu Berdiməhəmmədov COP31-də BMT himayəsində beynəlxalq ekoloji məcəllə yaradılmasını təklif etdi

Türkmən xalqının Milli Lideri, Xalq Məslahəti sədri Qurbanqulu Berdiməhəmmədov noyabrın 12-də Antalyada BMT İqlim Dəyişikliyi Çərçivə Konvensiyasının tərəflər konfransının (COP31) liderlər sammitinin plenar iclasında çıxış edib. Rəsmi saytın məlumatına görə, çıxışda Türkmənistanın beşinci təşəbbüsü kimi BMT himayəsində beynəlxalq ekoloji məcəllənin hazırlanması irəli sürülüb.

Məcəllə ətraf mühitin qorunması, iqlim dəyişikliyi, biomüxtəlifliyin saxlanması və təbii ehtiyatlardan davamlı istifadə üzrə mövcud beynəlxalq qaydaları, normaları və standartları bir sənəddə birləşdirməlidir.

Türkmənistan həmçinin iqlim texnologiyaları üzrə qlobal tərəfdaşlığın yaradılmasını, iqlim dəyişikliyinin rəqəmsal atlasının hazırlanmasını və yeni beynəlxalq format kimi “Aşqabad iqlim dialoqu”nun təsis edilməsini təklif edib. Sammitin kuluarlarında beynəlxalq təşkilatlarla sənədlər də imzalanıb.