Şərqi Türküstan Respublikasının lideri Əlixan Törənin xatirələri Fransada nəşr olundu: “Amer Turkestan”

Doğu Türküstan Respublikasının (1944–1946) rəhbəri Əlixan Töre Sağuninin (1885–1976) “Türküstan qüssəsi” (Turkiston Qayg'usi) əsəri Fransada “Amer Turkestan” adı ilə nəşr olundu. 448 səhifəlik kitabı oktyabrın 23-də Bleu Autour nəşriyyatı çıxarıb.

Əsər tarix və xatirə üslubunu birləşdirir: müəllif Sovet və Çin hakimiyyətlərinin təzyiqlərindən, müstəqillik hərəkatından və 1944-cü ilin noyabrında Qulcada elan edilən respublikanı idarə etdiyi illərdən danışır. Tokmokda doğulan Töre 1946-cı ildə SSRİ-yə aparılmış, ömrünün qalan hissəsini Daşkənddə keçirmişdir.

Fransız tarixçisi və şərqşünas, CNRS-in aparıcı tədqiqatçısı Stefan Düduanyon kitabı 2024–2026-cı illərdə müəllifin oğlu Qutluqxanla birlikdə tərcümə və redaktə edib, elmi şərhlər əlavə edib. Düduanyon kitabı oktyabrın 9-da Blua yaxınlığında keçən “Tarix görüşləri” festivalında təqdim edib. Nəşr Törənin yazılarının ilk dəfə Qərbi Avropa dilinə tərcüməsidir; növbəti mərhələdə ingilis dilində buraxılış planlaşdırılır.