Cüdo üzrə növbəti dünya çempionatı Astanada: bayraq Bakıda Qazaxıstana təhvil verildi

Bakıda davam edən cüdo üzrə dünya çempionatında 2027-ci il dünya çempionatının bayrağı Qazaxıstana təhvil verildi. Azərbaycan Cüdo Federasiyasının vitse-prezidenti Elnur Məmmədli bayrağı Beynəlxalq Cüdo Federasiyasının (IJF) baş katibi Lisa Allana, o da Qazaxıstan Cüdo Federasiyasının prezidenti Kuanışbek Yesekeyevə verdi.

Növbəti dünya çempionatı 2027-ci il iyunun 7–14-də Astanada keçiriləcək və idmançılara 2028-ci il Los-Anceles Olimpiadasına seçim üçün reytinq xalları qazandıracaq. Kuanışbek Yesekeyev bunu Qazaxıstan idmanı üçün mühüm mərhələ adlandırdı. Astana dünya çempionatını ikinci dəfə qəbul edəcək — ilk dəfə 2015-ci ildə; Qazaxıstan 2023–2026-cı illərdə hər il "Qazaqstan Barysı" Böyük Dəbilqə turnirinə də ev sahibliyi edib.

Bakı çempionatı bu gün qarışıq komanda yarışı ilə başa çatır. Ev sahibləri ilk görüşdə Avstriya komandasını 4:0 hesabı ilə məğlub edib, növbəti mərhələdə Yaponiya ilə qarşılaşır. Fərdi yarışlarda Azərbaycan 7 medal (1 qızıl, 2 gümüş, 4 bürünc) qazanmışdı.