Şuşada Ərdoğan üçün rəsmi qarşılanma mərasimi: fəxri qarovul, hərbi marş və iki ailənin birgə şəkli

Noyabrın 8-də Şuşada Türkiyə Prezidenti Rəcəb Tayyib Ərdoğanın rəsmi qarşılanma mərasimi keçirildi. Hər iki ölkənin bayraqlarının dalğalandığı meydanda fəxri qarovul dəstəsi düzülmüşdü, Prezident İlham Əliyev qonağı qarşıladı.

Fəxri qarovul dəstəsinin rəisi Türkiyə Prezidentinə raport verdi, dəstə hərbi marşın sədaları altında dövlət başçılarının önündən keçdi. Nümayəndə heyətlərinin üzvləri liderlərə təqdim olundu. Mərasimdə iki prezident xanımları ilə birlikdə xalçanın üzərində birgə foto çəkdirdi.