Tokayev «Atletiko Madrid»in prezidentini qəbul edib, ona «Dostıq» ordeni təqdim edib

Qazaxıstan Prezidenti Kasım-Jomart Tokayev oktyabrın 22-də Astanada İspaniyanın «Atletiko Madrid» futbol klubunun icraçı direktoru Migel Anxel Xil Marini qəbul edib. Dövlət başçısı klubla uğurlu əməkdaşlığı yüksək qiymətləndirib və səfərin tərəfdaşlığı yeni səviyyəyə qaldıra biləcəyini bildirib.

Tokayev Qazaxıstanın müasir futbol infrastrukturuna, məşq bazalarına və gənc istedadların hazırlanmasına sərmayə qoyduğunu, klubların böyük hissəsinin özəlləşdirilməsinin davam etdiyini deyib. FIFA ilə birgə bütün regionlarda 100-dən çox yeni uşaq futbol meydançasının tikildiyini də xatırladıb. Prezident İspaniya millisinin və futbol məktəbinin təcrübəsini öyrənməkdə maraqlı olduğunu vurğulayıb.

Xil Marin dövlət başçısına futbolun inkişafına verdiyi dəstəyə görə təşəkkür edib və Almatı vilayətindəki «Atletiko Madrid» akademiyasının ölkənin aparıcı hazırlıq komplekslərindən birinə çevrilə biləcəyini bildirib. Görüşün sonunda Tokayev ona Qazaxıstan futboluna verdiyi töhfəyə görə II dərəcəli «Dostıq» ordenini təqdim edib.