Türk dövlətləri kosmosda birləşir: TDT ölkələrinin kosmik agentlikləri əməkdaşlıq sazişi imzaladı

Türk Dövlətləri Təşkilatına (TDT) üzv ölkələrin kosmik agentliklərinin rəhbərləri Antalyada keçirilən 77-ci Beynəlxalq Astronavtika Konqresi çərçivəsində Kosmik sənayedə əməkdaşlıq haqqında saziş imzaladılar. Sənədi Azərbaycan adından "Azərkosmos" imzalayıb.

Sazişin məqsədi türk dövlətlərinin kosmik sahədəki əməkdaşlığını daha sistemli və praktik səviyyəyə qaldırmaq, birgə təşəbbüslər üçün vahid platforma yaratmaqdır. Əsas praktik layihə TDT ölkələrinin birgə "CubeSat" kiçik peykidir: tərəflər bu layihə ətrafında texniki imkanlarını, mütəxəssislərini və resurslarını birləşdirəcəklər.

Saziş həmçinin peyk istehsalını, Yerin kosmosdan müşahidəsini, kosmik elm və tədqiqatları və kadr hazırlığını əhatə edir. Türkiyə Kosmos Agentliyi konqres günlərində Böyük Britaniyanın Kosmos Agentliyi ilə də niyyət bəyannaməsi imzalayıb.