Türkmənistan və Türkiyənin xarici işlər nazirləri Antalyada 2027-ci il səfərlərini müzakirə etdi

Türkmənistanın Nazirlər Kabineti sədrinin müavini, xarici işlər naziri Rəşid Meredov noyabrın 11-də Antalyada BMT-nin iqlim konfransının (COP31) kənarında Türkiyənin xarici işlər naziri Hakan Fidanla görüşüb. Məlumatı Türkmənistanın rəsmi saytı yayıb.

Nazirlər ikitərəfli münasibətlərin siyasi və digər sahələrdə inkişafını, ən yüksək səviyyədə siyasi dialoqun önəmini müzakirə edib. 2027-ci ildə yüksək və ali səviyyəli səfərlərin keçirilməsi imkanları da gündəmdə olub.

Tərəflər BMT, İslam Əməkdaşlığı Təşkilatı və Türk Dövlətləri Təşkilatı çərçivəsində əməkdaşlığı, həmçinin hər iki ölkənin iştirak etdiyi digər çoxtərəfli formatlarda tərəfdaşlığın genişləndirilməsini də nəzərdən keçirib. Görüşdə sənəd imzalandığı barədə məlumat verilməyib.