“UNSEEN”: Quzey Kipr idmançılarının səsi sənədli filmdə — treyler yayımlandı, premyera noyabrın 1-də Londonda

Quzey Kipr Türk Cümhuriyyətinin idmançılarına həsr olunmuş “UNSEEN: The Athletes of Northern Cyprus” sənədli filminin rəsmi treyleri oktyabrın 27-də BRT tərəfindən yayımlanıb. Filmin premyerası noyabrın 1-də Londonda, tam nümayişi isə noyabrın 9-da keçiriləcək.

Film kipr türk idmançılarının beynəlxalq yarışlara çıxışının məhdud olması, idmanda qadınların yeri və gənc istedadların dünya səviyyəli yarışlara yol tapması mövzularına toxunur. Lentdə atletika, tennis, boks, basketbol, əlillər basketbolu, voleybol, açıq su üzgüçülüyü, avtoidman və futbol kimi sahələrdən təxminən 20 nəfər iştirak edir.

Qəhrəmanlar arasında hündürlüyə tullanma üzrə olimpiyaçı Buse Savaşkan, 800 metrdə 18 yaşadək Avropa çempionu Ada Kafa, iki dəfə Avroliqa çempionu Erten Gazi, peşəkar boksçu Sugar Atahasan, həmçinin KKTC Tennis Federasiyasının prezidenti Hasan Gazioğlu, Əlillər İdman Federasiyasının prezidenti Əhməd Akdeniz və Milli Olimpiya Komitəsinin prezidenti Orçun Kamalı var.

Film “Freedom and Fairness for Northern Cyprus” kampaniyasının dəstəyi ilə, KKTC idmanından bəhs edən “Offside: The Untold Story of Sports in the TRNC” filminin yaradıcı komandası tərəfindən çəkilib. “Offside” hazırda Amazon Prime və Apple TV-də izlənə bilər.