Yakutsk kinofestivalı ilk dəfə qışda: buzdan «qırmızı xalça» və saxa milli geyimində qonaqlar

IX Yakutsk Beynəlxalq Kinofestivalı noyabrın 4–9-da Saxa Respublikasının paytaxtında keçiriləcək. Festival tarixində ilk dəfədir ki, qış aylarına salınır. Ənənəvi qırmızı xalçanı bu dəfə bədii buz heykəllərindən ibarət xiyaban əvəz edəcək, bütün xarici qonaqlar isə saxa milli geyimində gəzəcək.

Festivalın təşkilatçısı «Saxafilm» kinostudiyasının direktoru Aleksey Yeqorov deyib ki, bu il qar az yağdığı üçün planlaşdırılan qardan ekranı qurmaq mümkün olmayıb; qar bol olsa, gələn il meydanda belə ekran hazırlanacaq. Baş mükafat festivalın simvoluna çevrilmiş «Qızıl qar eynəyi»dir.

Əsas müsabiqədə Rusiya və xarici ölkələrin tammetrajlı bədii filmləri yarışacaq. Beynəlxalq münsiflər heyətində Qazaxıstan, Monqolustan, Çin, Rusiya və Saxa Respublikasının nümayəndələri var. Festivalı saxa rejissoru Eduard Novikovun «Dünyanın kənarında» filmi açacaq; proqramda müsabiqədənkənar nümayişlər, Rusiya, Yaponiya və Çindən olan mütəxəssislərin ustad dərsləri də var, bütün tədbirlər hamı üçün açıqdır.