Ziya Gökalpın vəfatının 102-ci ildönümü: İstanbulda məzarı başında anıldı, TÜRKSOY 2026-nı “Ziya Gökalp Anma İli” elan edib

Türk düşüncəsinin görkəmli simalarından Ziya Gökalp vəfatının 102-ci ildönümündə İstanbulun Çəmbərlitaş məhəlləsində, II Mahmud türbəsi qəbiristanlığındakı məzarı başında anıldı. Mərasimi Türk Ocaqlarının İstanbul şöbəsi bir sıra ictimai təşkilatların dəstəyi ilə keçirdi.

Anma Quran tilavəti ilə başladı, iştirakçılara Gökalpın xatirəsinə helva paylandı. Tədbirdə Gökalpın nəvələri, TÜRKSOY-da Türkiyə nümayəndəsi dosent Dr. A. Kutalmış Yalçın və çoxsaylı qonaqlar iştirak etdi.

Yalçın TÜRKSOY Baş katibi Sultan Raevin anma mesajını oxudu. Mesajda Gökalp sistem quran cəmiyyət filosofu, sosioloq, şair və folklorşünas kimi təqdim olunur. Yalçın xatırlatdı ki, TÜRKSOY Türkiyənin Mədəniyyət və Turizm Nazirliyinin təklifi ilə 2026-cı ili “Ziya Gökalp Anma İli” elan edib; qərar Daimi Şuranın 41-ci və 42-ci iclaslarında qəbul olunub.