Baydın mühasirəsi (e.ə. 200)

E.ə. 200-cü ildə yeni qurulmuş Han sülaləsinin imperatoru Qaozu (Liu Ban) böyük orduyla şimala, Hunlara qarşı yürüşə çıxdı. Mete xan geri çəkilir kimi görünüb Çin ordusunu çölə çəkdi. İmperator əsas qüvvələrdən qabağa keçəndə Hunlar onu Pinçen yaxınlığındakı Baydın təpəsində (bugünkü Datun, Şansi) mühasirəyə aldılar.

Çin tarixçisi Sıma Syan yazır ki, Hun süvariləri dörd tərəfdən atlarının rənginə görə düzülmüşdü: qərbdə ağ, şərqdə boz, şimalda qara, cənubda kürən atlılar. İmperator yeddi gün mühasirədə qaldı və yalnız Metenin xanımına göndərilən hədiyyələrdən sonra çıxış yolu tapıldı.

Bu yürüşdən sonra Han sülaləsi Hunlarla "heqin" adlanan sülh bağladı: Çin şanyuya şahzadə qızı ərə verir, hər il ipək, şərab və taxıl göndərirdi. Bu qayda təxminən 60 il davam etdi və Hunların Çin qarşısında güclü mövqeyini göstərdi.