Terek döyüşü (1395)

Toxtamış gənc vaxtında Əmir Teymurun yanına sığınmış, onun köməyi ilə Qızıl Orda taxtına çıxmışdı. Amma güclənəndən sonra keçmiş himayədarına qarşı çıxdı, Azərbaycana və Maveraünnəhrə yürüşlər etdi. 1391-ci ildə Teymur Qunduzça çayında Toxtamışı məğlub etmişdi, amma Toxtamış yenidən güc topladı.

1395-ci ilin yazında iki ordu Şimali Qafqazda, Terek çayı sahilində qarşılaşdı. 14 aprel 1395-ci ildə başlayan döyüşdə Toxtamışın süvariləri Teymurun sağ cinahına və mərkəzinə hücum etdi. Məmlük elçilərinin xəbərinə görə, döyüşün ortasında Ordanın bəylərindən Aktau minlərlə döyüşçüsü ilə meydanı tərk etdi və bu, Toxtamışın məğlubiyyətini qəti etdi.

Teymur Toxtamışı təqib edərək Ordanın paytaxtı Saray, Həştərxan və Azaq şəhərlərini dağıtdı. Bu yürüş Qızıl Ordanın İpək yolu üzərindəki ticarətinə ağır zərbə vurdu və dövlətin tənəzzülünü sürətləndirdi. İki türk-monqol hökmdarı arasındakı bu düşmənçilikdən ən çox Ordaya tabe olan Rus knyazlıqları qazandı.