Türkiyə Cümhuriyyətinin elanı (1923)

Qurtuluş savaşından sonra 1 noyabr 1922-ci ildə Osmanlı səltənəti ləğv edildi, 13 oktyabr 1923-cü ildə Ankara paytaxt elan olundu. 29 oktyabr 1923-cü ildə Böyük Millət Məclisi dövlətin idarə formasını respublika kimi müəyyən etdi və Mustafa Kamal Atatürkü ilk prezident seçdi.

Sonrakı illərdə geniş islahatlar aparıldı: 1924-cü ildə xilafət ləğv olundu və təhsil vahid sistemə salındı, 1926-cı ildə yeni Mülki məcəllə qəbul edildi, 1928-ci ildə latın əlifbasına keçildi, 1934-cü ildə qadınlara seçmək və seçilmək hüququ verildi, soyad qanunu qəbul olundu.

29 oktyabr hər il Türkiyədə "Cümhuriyyət bayramı" kimi qeyd edilir — ölkənin ən böyük milli bayramı.