Fateh Sultan Mehmet

II Mehmet Ədirnədə doğulub, 1451-ci ildə ikinci dəfə taxta çıxıb. Fəthə ciddi hazırlaşdı: Boğaziçinin Avropa sahilində Rumeli hisarını tikdirdi, nəhəng toplar tökdürdü.

1453-cü ilin aprel-may aylarında İstanbul mühasirəyə alındı. Sultan gəmiləri qurudan sürüyərək Qızılbuynuz körfəzinə endirdi. 29 may 1453-cü ildə şəhər fəth olundu, Bizans imperiyası süqut etdi və II Mehmet "Fateh" adını aldı.

Fateh şəhəri imperiyanın paytaxtı etdi, Topqapı sarayını və Fateh külliyəsini tikdirdi. Bir neçə dil bilən, elm və sənəti himayə edən hökmdar idi; Venesiyalı rəssam Centile Bellini 1480-ci ildə onun portretini çəkib. 1481-ci ildə vəfat edib.