Kipr türk ağzı

Kipr türk ağzı 1571-ci ildən sonra adaya köçən türklərin dilindən yaranıb. Əsasən Cənubi və Mərkəzi Anadolu ağızlarının davamı sayılır, amma Anadolunun başqa bölgələrinin ağızlarına da bənzəyir.

Əsrlər boyu rum, italyan və ingilis dillərindən də sözlər alıb. Ədəbi dil türk dili olsa da, Kipr ağzı məktəbdə, rəsmi idarələrdə, radio və televiziyada, hətta parlamentdə də eşidilir.

Türkiyədəki ağızlardan fərqli olaraq Kipr ağzı KKTC-də hörmətli yer tutur. 1974-cü ildən sonra adaya köçən türkiyəlilərin uşaqları da tez-tez bu ağzı mənimsəyir.