Kültiginin yuğu və xarici elçilər (731)

İkinci Göytürk xaqanlığının sərkərdəsi, Bilgə xaqanın kiçik qardaşı Kültigin 731-ci il fevralın 27-də vəfat etdi. Türk adətinə görə onun xatirəsinə "yuğ", yəni yas mərasimi keçirildi.

Kültigin abidəsində yazılır ki, yuğa Tabğaç (Çin) xaqanından İsyi Likeñ başda olmaqla elçilər gəlib çoxlu qızıl, gümüş və ipək gətirdi, Tibet xaqanından Bölün gəldi. Qərbdən Soğd, Bərçikər (İran) və Buxara xalqlarının, şərqdən kıtayların və tatabıların, şimaldan qırğızların nümayəndələri də yasa qatıldı.

Tan imperatoru Syuan-szun abidənin çincə mətnini yazdırdı və Çindən daşyonan ustalar göndərdi. 732-ci ildə ucaldılan abidənin türkcə mətnini Kültiginin qardaşı oğlu Yolluğ tigin yazdı. Bu, xarici elçilərin gəlişinin türklərin öz dilində qeyd edildiyi ən erkən sənədlərdəndir.