Mobei döyüşü (e.ə. 119)

Han imperatoru U-di (e.ə. 141-87) Baydından sonra bağlanan "heqin" sülhünə son qoyub Hunlara qarşı uzun müharibəyə başladı. E.ə. 119-cu ilin qışında o, iki böyük süvari ordusunu Qobi səhrasından o tərəfə, Hunların ürəyinə göndərdi. Ordulara Vey Tsin və gənc sərkərdə Huo Qübin başçılıq edirdi.

Vey Tsinin ordusu səhranı keçəndən sonra şanyu İçjisyenin qüvvələri ilə qarşılaşdı. Döyüş qum fırtınası içində axşama qədər davam etdi, şanyu bir dəstə ilə mühasirəni yarıb şimal-qərbə çıxdı. Huo Qübin isə şərq tərəfdə Hun sol qanadını məğlub edib çox uzaqlara, bəzi tarixçilərə görə Baykal gölünə qədər getdi.

Mobei Hunlar üçün ağır məğlubiyyət oldu: onlar Qobinin cənubundakı otlaqları itirib şimala çəkildilər. Amma Han ordusu da atlarının böyük hissəsini itirdi və uzun müddət yeni yürüş edə bilmədi. Hun dövləti dağılmadı, iki yüz il də yaşadı, sonra şimal və cənub qollarına bölündü.