Pliska döyüşü (811)

811-ci ildə Bizans imperatoru I Nikefor Bulqar dövlətinə birdəfəlik son qoymaq üçün böyük ordu topladı. Krum xan sülh təklif etdi, amma imperator rədd etdi. Bizans ordusu bulqar paytaxtı Pliskanı aldı, xanın sarayını talan edib yandırdı.

Bu vaxt Krum Balkan dağlarından çıxan keçidləri ağac sədləri ilə bağlatdı. Geri qayıdan Bizans ordusu Vırbitsa keçidində tələyə düşdü. 26 iyul 811-ci il gecəsi bulqarlar hücuma keçdilər, ordunun böyük hissəsi məhv oldu, imperator Nikefor da həlak oldu.

Pliska Bizans tarixinin ən ağır məğlubiyyətlərindən biri oldu: imperatorlar 150 ildən çox Balkan dağlarının şimalına ordu göndərməyə cəsarət etmədilər. Mənbələrə görə, Krum Nikeforun kəlləsini gümüşə tutdurub qədəh kimi işlətmişdi.