Qançjou Uyğur dövləti (894-1036)

Uyğur xaqanlığı dağılandan sonra uyğurların bir qolu cənuba, bugünkü Çinin Qansu əyalətinə köçdü. 894-cü ildə onlar Qançjou (indiki Çjanye) şəhəri ətrafında öz dövlətlərini qurdular. Hökmdarlar köhnə xaqanlar nəsli olan Yağlaqarlardan idi.

Dövlət İpək yolunun ən dar keçidi olan Hesi dəhlizində yerləşirdi. Uyğurlar buradan keçən karvanlardan və Çinlə at ticarətindən gəlir əldə edirdilər. Əhalinin çoxu zamanla buddizmi qəbul etdi.

XI əsrin əvvəlində şimaldan tanqutların Qərbi Sya dövləti gücləndi. 1028-ci ildə tanqutlar Qançjounu aldılar, 1036-cı ilə qədər isə bütün dəhlizi tutdular. Qançjou uyğurlarının bir hissəsi qərbə köçdü, bir hissəsi isə bugünkü sarı uyğurların əcdadı oldu.