Mövlana Cəlaləddin Rumi

Cəlaləddin Bəlxdə doğulub. Monqol təhlükəsi səbəbilə ailəsi Anadoluya köçdü və Səlcuq sultanının dəvəti ilə Konyada yerləşdi. Atası Bəhaəddin Vələddən sonra Konyanın tanınmış alimi və vaizi oldu.

1244-cü ildə dərviş Şəmsi-Təbrizi ilə görüşü onun həyatını dəyişdi; Mövlana alimlikdən eşq və vəcd şairliyinə keçdi. Əsərlərini əsasən fars dilində yazıb: təxminən 25 min beytlik "Məsnəvi", "Divani-Kəbir" və "Fihi ma fih".

Mövlana 17 dekabr 1273-cü ildə vəfat edib; bu gecə "Şəbi-Ərus" — "vüsal gecəsi" adlanır. Onun yolunu davam etdirən Mövləvi təriqəti səma ayini ilə tanınır. UNESCO onun 800 illiyi münasibətilə 2007-ci ili "Mövlana ili" elan etmişdi.