Daşkənd

Daşkənd əsrlər boyu İpək yolunun mühüm şəhərlərindən olub. 1219-cu ildə Çingiz xan tərəfindən dağıdılıb, sonra yenidən qurulub. XVIII–XIX əsrlərdə müstəqil şəhər-dövlət idi, sonra Kokand xanlığının, 1865-ci ildən isə Rusiya imperiyasının tərkibinə keçdi.

1966-cı ilin zəlzələsi şəhərin böyük hissəsini dağıtdı və Daşkənd yenidən, geniş prospektlər və parklarla tikildi. 1977-ci ildə açılan Daşkənd metrosu Orta Asiyanın ilk metrosudur, stansiyaları mozaika və mərmərlə bəzədilib.

Şəhərin mərkəzində Əmir Teymur meydanı və Teymurun at üstündə heykəli var. Köhnə şəhərdəki Xəzrəti İmam kompleksi və Çorsu bazarı Daşkəndin tarixi simasını qoruyur.